Жанболат Саймагамбетов: Ереуілде жүрген жұмысшыларға айлық төленбейді

«Өзенмұнайгаз» АҚ бас директоры Жанболат Саймағамбетов ереуілге шыққандарға видеоүндеу жолдады, деп хабарлайды Orda.kz порталы.

Жанболат Саймағамбетовтың айтуынша, бұрғылау басқармасының жұмысты тоқтатқанына 14 күн болған.

Мен, Саймағамбетов Жанболат  «Өзенмұнайгаз» АҚ бас директоры бүгін бұрғылау жұмысшыларының талап қойып, жұмысты тоқтатқанына 14 күн болғанын мәлімдеймін. Біріншіден, бұрғылау басқармасы жұмысшылары  қойған талаптар заңсыз және «Өзенмұнайгаз» АҚ деңгейінде қаралатын болғандықтан, «ҚазМұнайГаз» басшылары келмейді. Екіншіден алдарыңызға шығып, әріптестерім бар мен бар түсіндірме жұмыстарын жүргізіп жатырмыз. 

Ол «ай жабу», «табель тапсыру» сынды жұмыстарды тапсыратынын мәлімдеп, өз шешімін айтты.

12 қарашадан бастап ереуіл басталған күні бұрғылау басқармасы жұмысшыларына еріп, басқа да мекемелердің жұмысшылары қолдау жасап, 12-нен бастап 15-не дейін толық күндерін қойып беремін. Өйткені әріптестеріміз бұны түсініп, жұмыстарын қайта бастап кетті. Осы сәтті пайдалана отырып рақмет айтамын. 

Ал 15 қарашадан кейін де ереуілде жүріп, бірақ сонда да жұмысқа қайта оралғандарға 50%  ақы төлеуге дайын екенін жеткізді. 

Ал 25-нен кейін, яғни ай жабылса да ереуілде жүрген жұмысшыларға айлық төленбейді. 

Сөз соңында «Өзенмұнайгаз» АҚ бас директоры барлық жұмысшыларды тәртіппен жұмыс істеуге, жұмысын жалғастыруға шақырды. Айта кетейік Жаңаөзенде мұнайшылардың көтеріліске шыққанын хабарлаған болатынбыз.