Жанболат Мамай елдегі оппозиция өкілдерінің бірігетінін хабарлады
Сейсенбі күні тіркелмеген Демократиялық партияның жетекшісі Жанболат Мамай біріккен оппозиция құрылғанын мәлімдеді. Сондай-ақ ел патриоттарын одаққа қосылуға шақырды. Бұл мәлімдеме Демократиялық партия жетекшісінің Facebook парақшасында жарияланған.
Мамай қаңтар оқиғасы кезінде оппозицияда билікке талап қоятын өкілді орган болмағанын мәлімдеді. Айтуынша, біртұтас орталық құру қажеттігі көптен бері көтеріліп келеді.
– Қаңтар қырғыны тұсында жүздеген адам ешбір тергеу мен сотсыз атылды, түрмеге қамалды және адам айтқысыз азаптауға ұшырады. Өкінішке қарай, дәл сол кезде наразылықты басқара алатын халықтың өкілетті органы және режим оппоненттерін біріктіре алатын ұйым болған жоқ. Нақты талаптарды қоятын және халықты ерте алатын үйлестіру орталығы немесе оппозициялық күштердің біріккен кеңесі болмады. Оппозициялық күштер бас біріктіруі тиіс дегенді халық көптен айтып жүр. Демократиялық күштердің біріккен орталығының қажеттілігі де сөзсіз. Қаңтардың басынан біз, Қазақстан демократиялық оппозициясының өкілдері, өзара келіссөздер жүргізіп, біраз ақылдастық. Көп мәселені талқыладық. Қоғамды жік-жікке бөлу үшін билік осы аралықта өздерін «оппозиция» қатарына жатқызғысы келетін түрлі сайқымазақтарды шығарып, бірнеше ұйым құрып үлгерді. Енді біз бас біріктіріп, белсенді әрекетке көшпесек, бұл ұлттық мүддеге қарсы әрекет бола ма деп қауіптенеміз. Сондықтан, біз, Қазақстанның демократиялық оппозициясының өкілдері, бірігудің басталғанын мәлімдейміз. Бұдан былай біз бір тудың астына жиналып, «Біріккен қазақ оппозициясының» атынан әрекет етеміз, - деп жазды ол.
Мамайдың айтуынша, біріккен оппозицияда көшбасшы болмайды, қосылғандар әрқайсысы өз қозғалысы аясында әрекет етеді.
Жаңалықтар
- RAMS QAZAQSTAN компаниясы су тасқынынан зардап шеккендерге 500 миллион теңге жіберді
- Ресей Қазақстан мұнайының Германияға транзитін тоқтату жайлы мәлімдеді
- Атырауда әкесі егіздерді зорлады деп күдікке ілінді
- Мемлекет басшысы блогерлерге ескерту жасады
- Қазақстан мектептерінде бірыңғай сынып сағаты өтеді
- «Alageum Electric» компаниялар тобы БҚО-ға көмек ретінде 1 млрд теңге бөледі
- Атырауда үйді өртеген қылмыскер өмір бойына бас бостандығынан айырылуы мүмкін
- Аида Балаева Маричеваның оқиғасы мен Ниязовтың репостына қатысты түсініктеме берді
- Алматыда 3 адам қаза тапқан автобус апатына қатысты сот отырысы өтті
- Қырғызстанның 3 өңірінде төтенше жағдай жарияланды
- Air Astana баспасөз қызметі ұшқыштың ұсталуына қатысты түсініктеме берді
- Әскери қызметкерлер 7 мамырға медальдармен марапатталады
- Қасым-Жомарт Тоқаев Қазақстан халқы Ассамблеясының ХХХІІІ сессиясы отырысын ашты
- «Мұны соңғы рет тыңдап отырмын деп үміттенемін» - Нүкенованың ағасы Бишімбаевтың дауысы бар бейнежазба жариялады
- Шымкентте ірі зауыт тоқтап, 350 адам жұмыссыз қалды
- Депутат нан бағасын 500 теңгеге дейін көтеруді ұсынды
- Автобус жүргізушісін соққыға жыққан жолаушыға 8 жыл бас бостандығынан айыру сұралды
- ТМД Бас хатшысының орынбасары Дәурен Абаевтың орнына Нұрлан Сейтімов келді
- «Fly Arystan» компаниясының президенті отставкаға кетеді
- Германияда Орталық Азияның тумалары терроризмге қатысы бар деп айыпталды