Жанармай бағасын реттеу мүмкін емес - министр

ҚР Энергетика министрі Мағзұм Мырзағалиев Қазақстанда жанармай бағасын реттеу мүмкін емес екенін айтты.

«Жанар-жағармай бағасын реттеу мүмкін емес. Биыл дизельдік отын тапшылығы болды. Оның бір себебі - көрші елдермен салыстырғанда бағаның үлкен айырмашылығы. Баға бойынша біз қазір жүйелік өзгерістер жасап жатырмыз, бастысы төмендегідей:

• біріншіден, қазір үш мұнай өңдеу зауытында жоспарлы және жоспардан тыс жөндеу жұмыстары жүргізілуде, олардың шарттарын анықтау керек;
• екіншіден, біздің материалдық-техникалық резервтік базамызды қалыптастыру керек;
• үшіншіден, жанар-жағар майларды бақылап, әрбір мұнай базасында тиісті құрал-жабдықтармен жарақтандыру қажет» деді Энергетика министрі.

Мырзағалиев жыл соңына дейін жарияланған жоспарлар бойынша тиісті өзгерістер енгізілетінін атап өтті.

Еске салсақ, бұған дейін президент Қасым-Жомарт Тоқаев мұнай өнімдерінің бағасын реттеу туралы айтқан.