Бұрынғы Оңтүстік Корея президентіне 30 жыл түрме жазасы сұралды — БАҚ

Прокурорлар 2024 жылғы қазанда Пхеньян үстінен ұшырылған дрондар ісіне қатысты Оңтүстік Корея президентіне 30 жыл бас бостандығынан айыру жазасын сұрап отыр, деп хабарлайды Orda.kz Yonhap News сайтына сілтеме жасап. 

Айыптаушы тараптың нұсқасы бойынша, Юн Сок Ёль бұл оқиғалардан «пайда көрген». Дрондарды ұшыру Солтүстік Кореяның жауап әрекеттерін арандатуға және кейіннен әскери жағдай енгізуге бағытталған болуы мүмкін. Юн Сок Ёль дәл осыдан екі ай өткен соң әскери жағдай жариялауға әрекет жасаған.

Сондай-ақ прокурорлар осы іс бойынша бұрынғы қорғаныс министріне 25 жыл түрме жазасын сұраған.

Айта кетейік, 16 қаңтар күні Оңтүстік Кореяның бұрынғы президенті Юн Сок Ёльге тағылған бірқатар айыптар бойынша үкім шықты. Ол 5 жылға сотталды.

Юн Сок Ёль 2025 жылғы 15 қаңтарда қамауға алынды. Ал сәуір айында конституциялық сот импичмент жариялап, ресми түрде Юн Сок Ёльді қызметінен босатты. Кейін екі айдан соң елде кезектен тыс сайлау өтті. Сайлауда «Тобуро» демократиялық партиясының өкілі, 61 жастағы Ли Чжэ Мён жеңіске жетті.

Айта кетейік, Юн Сок Ёль Оңтүстік Корея тарихында қамауға алынған алғашқы мемлекет басшысы.

Оқи отырыңыз:

• Дрондар Солтүстік Корея шекарасын кесіп өтті: Ким Чен Ын Оңтүстік Корея президентінің кешірімін қабылдады
• Оңтүстік Кореяның бұрынғы бірінші ханымы сыбайлас жемқорлық үшін сотталды