Жанар-жағармай және газ бағасының өсуін өтеу

Қазақстанда халықтың әлеуметтік осал топтары үшін жанар-жағармай және тауарлық газ бағасының өсуін өтеу мақсатында ваучерлер енгізу жоспарланып отыр. 

Бұл туралы премьер-министрдің баспасөз қызметі хабарлады.

Енді, баға өскен кезде халықтың әлеуметтік осал санатындағы тұтынушыларға көгілдір отынның қымбаттауының орнын толтыруға ваучерлер беру жоспарлануда. Сонымен қатар Олжас Бектенов мемлекеттік қолдау шараларының тиімділігін арттыру арқылы елімізде өмір сүру сапасын жақсарту жөнінде кеңес өткізді. "Отбасының цифрлық картасын" одан әрі жетілдіру мәселелері қаралды.  Сонымен қатар "Әлеуметтік әмиян", "Мектепке дейінгі ұйымдарды ваучерлік қаржыландыру" жобалары көрсетілген.

Қазіргі таңда "Әлеуметтік әмиян" арқылы тұрғындарға пилоттық режимде мектептерде тегін және жеңілдікпен тамақтану, тегін дәрі-дәрмек ұсынылады.