Жанар Айжанованың қызы күйеуінен ажырасқанын айтты

Жанар Айжанованың жалғыз қызы Айжұлдыз Адайбекова күйеуінен ажырасқанын мәлімдеді. Бұл туралы ол әлеуметтік желіде өзі жариялады.

Айжұлдыз Адайбекова күйеуінен ажырасып кетіпті, оған енесі екеуінің ара-қатынасы себеп болғанын жасырмайды. 

— Осы уақытқа дейін «Қыран қайда?»  деген сұрақ жиі қойылды. Біз әлдеқашан ажырасып кеткенбіз. Жеке өмірім жайлы көпшілік алдында талқылауды қаламаймын. Мен құрбан емеспін. Бір нәрсені айта кетейін. Мені де келін-ене тақырыбы айналып өтпеді. Осымен бәрі түсінікті болған шығар деп ойлаймын. Өткен өміріме ризамын. Мұнымен тоқтамаймын, – дейді ол. 

9 ай бойы жүктілігін жасырып келген Айжұлдыз жақында ұлды болды. Ол жүктіліктің ауыр өткенін де жазды. Ұлының есімін Назар деп қойды. 

— 4 ай бойы токсикоз. Түсік қаупі. 9 айда екі ота жасаттым. Бұл жол маған оңай соқпады. Бірақ еңсердім. Мына өмірге қош келдің, Назар! Сені бар жан-тәніммен күттім, – деп жазды ол желідегі жазбасында.

 Естеріңізде болса, өткен жылы  Айжұлдыз танымал видеграф Қыран Талапбекке тұрмысқа шыққан болатын.