Жаңадан тағайындалған индустрия министрі ЛТР ісі бойынша тергелді ме?

Жұма күні Тоқаев Астана әкімінің орынбасары болған кезінде ЛРТ құрылыс жобасына жетекшілік еткен Ерсайын Нағаспаевты Индустрия және құрылыс министрі етіп тағайындады, деп хабарлайды Orda.kz.

Артынша елге танымал блогер Ғалым Байтұқ Нағаспаевтың ЛРТ ісі бойынша тергеуде жүргенін және жолы болып кеткенін, шенеунік алғашында елордадағы жеңіл рельсті көлік құрылысын қадағалағанын – құжаттарда оның қолы тұрғанын, сонымен қатар ол құжаттарға қазір де жауапты қызметте отырған шенеуніктердің қолдары қойылғанын жазды.

Айта кетерлігі, Нағаспаев ЛРТ ісі бойынша сотқа тартылғандар тізімінде жоқ және күдікке ілінбеген.

«Бәлкім, ұмытып кеткен шығар, мүмкін осындай жұртты шулатқан іс болғанын ол естімей қалған шығар? Дегенмен бұрынғы антикор генералы, ал қазір премьер-министр бұл туралы білуі керек еді» деп жазды Байтұқ. 

Оның пікірінше, мұндай лауазымдарға тағайындау кезінде бұрынғы жұмысындағы тындырымды істерінің болғанын саралау маңызды.

«Бірақ ҚТЖ-да қандай жетістікке жетуге болады? Нағаспаев бүкіл саланы өз қолына алатындай ҚТЖ-да пайдалы не істеді? Нағаспаев - сыртқы істер министрлігінде жұмыс істеген, бұл да өте беделді қызмет, бірақ өнеркәсіп саласын құртудың қажеті не?» деп сұрады блогер.

Нағаспаев 2013 жылдың қаңтарынан 2014 жылдың қарашасына дейін Астана қаласы әкімінің орынбасары болды. 

Осыдан кейін ол құрылыс саласында бірқатар қызмет атқарды, ал 2021 жылдың сәуірінен бастап «ҚТЖ» Ұлттық компаниясында жабдықтау жөніндегі басқарушы директоры, кейіннен жаңа жобалар бойынша басқарушы директор міндетін атқарды.

Orda.kz Мемлекет басшысының Жарлығымен Ерсайын Қайырғазыұлы Нағаспаев Қазақстан Республикасының Өнеркәсіп және құрылыс министрі лауазымына тағайындалғаны туралы хабарлаған болатын.