Жаңабыловтар ұтысы төңірегіндегі жанжал: министрлік мәлімдеме жасады

Қазақстанның Туризм және спорт министрлігі инстаграмда блогерлер Ерболат Жаңабылов пен Эльмира Төлегенова өткізген байқауды тексеру басталғанын хабарлады. Бұл туралы ведомствоның баспасөз қызметінің мәлімдемесінде айтылған, деп хабарлайды Orda.kz.

 Ерболат Жаңабылов пен Эльмира Төлегенова  белгілі қазақстандық блогерлер. Олардың аккаунттарына 8,4 және 7,1 миллион адам жазылыпты. Олардың жарияланымдары үнемі миллиондаған көрермен жинап отырады.

Ойын бизнесі мен лотереяны реттеу комитетіне азаматтардан шағым түсті. Олар акцияның лотереялар туралы заң талаптарына сәйкес келетінін тексеруді сұраған. Ведомство Ерболат Жаңабыловқа түсініктеме беруді талап етіп хабарлама жолдаған. Осыдан кейін әкімшілік іс қозғау-қозғамау туралы шешім қабылданады.

Егер жауап болмаса, комитет мәселені сырттай қарайды. Бұзушылық болған жағдайда блогерлер ӘҚБтК-нің 445-1-бабы бойынша жауапқа тартылуы мүмкін.  

 Айыппұл көлемі жеке тұлғалар үшін - 100 АЕК (393 200 теңге), шағын бизнес үшін - 300 АЕК (1 179 600 теңге), орта бизнес үшін - 500 АЕК (1 966 000 теңге), ірі бизнес үшін - 1000 АЕК (3 932 000 теңге) болады. 

 Министрлік еске салып өткендей, заң бойынша лотереяны ресми ұйымдастырушылар мен агенттер ғана ұтыс ойынын өткізіп, билет тарата алады.

«Азаматтардан қырағылық сақтауды және ақшасын жоғалтпау үшін әлеуметтік желілердегі күмәнді ойындар мен ұтыстарға қатыспауды сұраймыз» деп жазылған хабарламада. 

Еске салсақ, 19 тамызда блогерлер Instagram-да 11 көлік ойнатылатынын жариялады. Талап өте  қарапайым  - репост жасау қажет. Бірақ 21 тамызда жазылушыларға арналған тікелей эфир өтудің орнына құны 30 мың теңге болатын Zhana Business деп аталатын  ақылы қатысуға  сілтеме жасалды. Байқауға курсты сатып алғаннан кейін ғана қатысуға болады деген өзгеріс енгізілді.

 Бұл жағдай парақшаға жазылғандардың наразылығын тудырды. 

Пайдаланушылар құқық қорғау органдарына бұндай әрекеттің заңдылығын тексеруді сұрап арызданды.  Блогерлер осындай ұтыстан салық төлей ме, машиналар ойнатыла ма, ақшаны қайтару, оларға тыйым салуға бола ма, деген сұрақтар туды.

ҚМА тексеру үшін материалдарды басқа мемлекеттік органдарға тапсырды.

Қаржылық мониторинг агенттігі де   БАҚ өкілдерінің жазбасынан кейін оларды өз бақылауына алғанын мәлімдеген болатын.