Жаңа жыл мерекесіне орай Алматы қаласын безендіруге қанша миллиард кетті?

Алматы мәдениет басқармасы жалпы сомасы 650 миллионға жуық сомаға келісімшарт жасасты, деп хабарлайды Orda.kz.

Бұл туралы Қазақстан Республикасының мемлекеттік сатып алулар сайтында жарияланды. Дәлірек айтқанда мәдениет басқармасы қаланы безендіру мақсатында үш келісімшартқа отырды. Оның біріншісі «Халық Арена», «Нұрлы Тау» бизнес орталығын және Наурызбай ауданы әкімдігін безендіру үшін 159 млн теңге қаржы бөлінген. Аталған жерлерге Шваюн Сергей Олегович жауапты.

Ал екінші келісімшартқа дәл сондай ұсыныспен тек, Абай алаңын жаңа жылдық эстетикалық безендіру үшін қол қойылған. Дәлірек айтқанда орталық алаңға мәдениет басқармасы 220 млн теңге қаржы бөлген. Жауапты тұлға – Бекежанов Қанат Мұратәліұлы.

Үшінші келісімшартта Панфилов көшесі, ALMATY ARENA, Наталья Сац атындағы ЖКТ және Тұңғыш Президент Саябағын әрлеу үшін 262 млн теңге қаржы бөлінген. Ал оған жауапты тұлға – Мирманов Ернат.

Басқарма үш келісімшартқа үш түрлі жеткізушімен келісімге келген:

1-келісімшартқа жауапты компания – «Albero Bello» ЖШС;

2-келісімшартқа жауапты компания – «Антураж KZ» ЖШС;

3-келісімшартқа жауапты компания – «Team Building» ЖШС.

Сондай-ақ басқарма мерекелік іс-шараларды өткізуді ұйымдастырушылық және техникалық қамтамасыз ету жөніндегі қызметтерге бір апта бұрын бөлек келісімшарт жариялады. 

Аталмыш келісімшартқа «Алматы қаласы Мәдениет басқармасы» коммуналдық мемлекеттік мекемесі  «ALT Sound+» ЖШС-мен 74 млн теңгеге отырған. Компания басшысы – Гриднев Вадим.