Жаңа вице-премьер Бозымбаев Үкімет отырысына неге келмеді?

Төтенше жағдайлар мен су ресурстарын қадағалауды жүзеге асыратын жаңа вице-премьер Қанат Бозымбаев бүгін үкімет отырысына келмеді.

Мұның себебін министрлер кабинетінің басшысы Олжас Бектенов түсіндірді.

Премьер-министрдің айтуынша, Қанат Бозымбаев су тасқынынан зардап шеккен аймақтарға кеткен.

«Қазір Қанат Бозымбаев пен Төтенше жағдайлар министрі менің тапсырмам бойынша өңірлерде аралап, су тасқыны жағдайын тұрақтандыру бойынша жергілікті жерлерде жұмыстарды бақылауда»,- деді Бектенов.

Ол өзінің жаңа орынбасары аймақтық саясат, тұрғын үй-коммуналдық шаруашылық, төтенше жағдайлар және су ресурстары мәселелерін қадағалайтынын еске салды.

Қанат Бозымбаев 2024 жылдың 31 наурызында премьер-министрдің орынбасары болып тағайындалды.