«Жаңа тас төсем болмайды»: Мердігер мола туралы не айтты?

«Павлодар өзен портының» уәкілі Үлкен Алматы өзенінің арнасындағы гранит тақталарына қатысты жанжал жайлы сөз қозғады, деп хабарлайды Orda.kz. 

Мердігер Сергей Житиневтің айтуынша, өзеннің төмен жағындағы жетпей қалған жерлерге тас төсемдер төселді.

«Жобада жаңа гранит тақталарын орнату қарастырылмаған», – деді ол.

Ал зиратқа құлпытас жасайтын цехқа гранитті апаруға келсек, Житиновтің өкілінің айтуынша, олар полицияға өздері хабарласқан және тергеу істің ақ-қарасын анықтайды деп үміттенеді.

Гранитті мердігер компанияның қызметкерлері тасымалдамаған көрінеді. Ал болған оқиғадан кейін нысанда күзет күшейтілді.

Еске сала кетейік, қоғам белсендісі Санжар Боқаев өзінің әлеуметтік желідегі парақшасында Алматыдағы бюджет ақшасына алынған құрылыс материалдарының қолды болуы мүмкін екенін айтқан болатын.