Жаңа министрлікті Нұржан Нұржігітов басқарды

Су ресурстары және ирригация министрі болып Нұржан Нұржігітов тағайындалды.

Бұл туралы Ақорданың баспасөз қызметі хабарлады.

«Нұржігітов Нұржан Молдиярұлы бұрын атқарған қызметінен босатыла отырып, Қазақстан Республикасының Су ресурстары және ирригация министрі болып тағайындалсын» делінген Мемлекет басшысының Жарлығында.

Ол бұған дейін Жамбыл облысының әкімі қызметін атқарған.

Еске салайық, Қазақстан халқына Жолдауында Мемлекет басшысы Қасым-Жомарт Тоқаев жаңа министрлік құрылғанын мәлімдеген болатын.

Ол 2021 жылдың сәуірінен бастап Жамбыл облысы әкімінің орынбасары болды, 2022 жылдың сәуірінен бастап облысты басқарды.