Жаңа кибертоп ТМД елдеріндегі қаржылық және мемлекеттік ұйымдарға шабуыл жасады

Шабуылшылардың мақсаты - аккаунттарды ұрлау.

Ресейлік Positive Technologies компаниясы қылмыскерлер Қазақстан, Өзбекстан, Қырғызстан, Ресей және басқа да елдерге бірқатар шабуылдар жасағанын хабарлады.

«Қауіпті зерттеу аясында PT ESC мамандары Ресей, Беларусь, Қазақстан, Өзбекстан, Қырғызстан, Тәжікстан және Армения ұйымдарына бағытталған бірқатар шабуылдарды анықтады. Шабуыл құрбандары аталған елдердің үкіметтік және қаржылық компаниялары, сондай-ақ медициналық және білім беру мекемелері болды» делінген хабарламада.

Positive Technologies атап өткендей, қылмыскерлер 867 қызметкердің есептік жазбасын бұзып үлгерді. Олар сондай-ақ шабуылшылар алынған деректермен не істейтіні туралы болжамдармен бөлісті.

«Қылмыскерлер бұл ақпарат арқылы компаниялардың ішкі құрылымдарына одан кейін де шабуылдауға ниетті болуы мүмкін. Ұрланған деректер киберқызметтердің көлеңкелі нарығында  сатылуы да мүмкін» деді мамандар.

Мамандардың айтуынша, кибертоп таратқан зиянды бағдарлама фишингтік сілтемелер арқылы таратылады.