Жанәбілов пен Байтуғаева өткізген тойы тексеріліп жатыр

Демалыс күндері Алматыда әртістер мен блогерлер қатысқан екі той өтті. Санитарлық-эпидемиологиялық бақылау департаменті қазақстандық жұлдыздар қатысқан тойдың бейнежазбасын тексеруде.

Демалыс күндері Instagram желісіндегі қолданушылары екі сәнді іс-шараны тамашалады. Оның бірін SuperMamasita ретінде танымал блогер Әлия Байтуғаева өткізді. Кадрлардан туған күнге қазақстандық блогерлер, әртістер мен әншілер келгенін көруге болады.

Екінші іс-шараны, бейнежазба бойынша, «МузАРТ» тобының солисі Кенжебек Жанәбілов өткізген. Кадрларда қазақстандық шоу-бизнестің басқа да өкілдері көрсетілген. Сондай-ақ, шараға қазақ балуаны және мәслихат депутаты Бейбіт Ыстыбаев та келген.

Алматы қаласының санитарлық-эпидемиологиялық бақылау департаменті оқиғалардан түсірілген видеолар зерттеліп жатқанын хабарлады.

Алайда, Әлия Байтуғаева өзінің инстаграмында бәрі заңды өткенін және туған күнге 25 адам қатысқанын мәлімдеді.