Жамбылдағы тексеру комиссиясының нәтижесі бар ма?

Жамбыл облысы бойынша тексеру комиссиясымен лауазымды тұлғалар тарапынан заңсыз іс-әрекеттердің орын алуына байланысты процессуалдық шешім қабылдау үшін құқық қорғау органдарына 2021 жылдың 9 айында жолданған мемлекеттік аудит материалдары зерделенді.

Есепші жауапқа тартылды

«Жамбыл облысы әкімдігінің дене шынықтыру және спорт басқармасының Жамбыл ауданындағы №12 балалар-жасөспірімдер спорт мектебі» КММ-де жеке кәсіпкерге 590,0 мың теңгесі артық аударылған. Мекеменің 3 қызметкеріне 5 893,4 мың теңге еңбек ақылары артығымен, 2 202,7 мың теңгенің іссапар шығыны төленгені анықталды.

Жамбыл облысы Жамбыл аудандық сотының Үкімімен мекеменің лауазымды тұлғасы үш жыл мерзімге есепшілік қызметпен айналысу құқығынан айыра отырып, төрт жыл мерзімге бас бостандығын шектеу жазасы тағайындалды.

Мекеменің қызметшілеріне негізсіз жалпы сомасы 1 278,0 мың теңге іссапар шығындары есептеліп төленген.

«Жамбыл облысы әкімдігінің табиғи ресурстар және табиғат пайдалануды реттеу басқармасының  Жамбыл су қоймалары» КММ-де (бұдан әрі - мекеме) тиімділік аудиті жүргізілген болатын.

Аудитпен анықталғаны:

ҚР Бюджет Кодексінің 97-бабы 6-тармағының талабы сақталмай, бюджет қаражатының негізсіз жұмсалуына жол берілген: 

1. жалпы соммасы 19,8 мың теңге авторлық қадағалау қызметіне;
2. техникалық қадағалау жұмыстарына (инжинирингттік қызмет) жалпы соммасы 3 897,2 мың теңге;
3. жалпы сомасы 359,8 мың теңге еңбекақы  негізсіз артық есептеліп төленген;                                                                       
4. 2018 жылы мекеме қызметшілеріне негізсіз жалпы сомасы 1 278,0 мың теңге іссапар шығындары есептеліп төленген.

Осыған орай, Тексеру комиссиясымен мекеменің лауазымды адамдарының әрекеттерінде қылмыстық құқық бұзушылық белгілері бар деп санай отырып, материалдарды тиісті аудиторлық дәлелдемелерімен бірге процестік шешім қабылдау үшін Жамбыл облысы бойынша экономикалық тергеу департаментіне жолданған.

Жамбыл облысы бойынша экономикалық тергеу департаменті Жамбыл облысы бойынша сыбайлас  жемқорлыққа қарсы күрес Департаментіне жолдаған.

Жамбыл облысы бойынша сыбайлас  жемқорлыққа қарсы күрес Департаменті қызметтік тексеру жүргізу және кінәлі адамдардың тиісті жауапкершілікке тарту мәселесін қарастыру үшін Жамбыл облысы әкімі аппаратына жолдаған.

40 млн теңгеге шығын келтірілсе де жауапқа тартылмады

«Талас ауданы әкімдігінің тұрғын үй, коммуналдық шаруашылық, жолаушылар көлігі және автомобиль жолдары» КММ-де (бұдан әрі - мекеме) тиімділік аудиті жүргізілген болатын.

Аудитпен анықталғаны:

1) «Жамбыл облысы Талас ауданы «Ақкөл-Талапты» 0-32  шқ. автомобиль жолын орташа жөндеу» нысаны бойынша жалпы сомасы 29 177,2 мың теңгені теңгені құрайтын жұмыстар толық көлемде орындалмаған;

2) «Жамбыл облысы Талас ауданы «Қаратау-Қасқабұлақ-Есейхан-Көктал» 45,2 шқ. автомобиль жолын орташа жөндеу, 0-12 шқ. учаскесі» нысаны бойынша  жалпы сомасы 11 588,9 мың теңге құрайтын жұмыстар толық көлемде орындалмаған;

3) Жамбыл облысы Талас ауданы «Қаратау-Көктал» 14,5 шқ. аудандық маңыздағы автомобиль жолын орташа жөндеу нысаны бойынша жалпы сомасы 1 369,7 мың теңгені теңгені құрайтын жұмыстар толық көлемде орындалмаған.

Осыған орай, ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Жамбыл облысы бойынша департаментіне жолданған. ҚР ҚПК 35-бабы 1 бөлігі 2 тармағымен сотқа дейінгі тергеп тексеру тоқтатылды.

Авторы: Исламбек Дастан, Жамбыл облысы