Жамбылда полицейлер баланың аузын буып, қолын байлаған әйелді ұстады

Ерекше әдіспен қарызын қайтарғысы келген әйел енді қылмыстық жауапкершілікке тартылады.

Қарызын елде жоқ ерекше әдіспен қайтару арқылы танымал болған 23 жастағы келіншек ұсталды. Ол Жамбыл облысы ауылдарының бірінен табылды. Желіде оның өрескел қылығы түсірілген видео жарияланғаннан кейін әйел ауылға қашып кеткен.

«Жасөспірім қыздың аузын жауып мен қолын таңып, Алматы облысы Қарғалы ауылындағы қараусыз қалған ғимаратқа апарған әйел ұсталды. Күдікті уақытша ұстау изоляторына қамауға алынды» деп хабарлайды ҚР ІІМ.

Аталған факті бойынша ҚР Қылмыстық кодексінің 126-бабы 2-бөлігі 5-тармағы «Кәмелетке толмаған белгілі адамға қатысты бас бостандығынан заңсыз айыру» бойынша сотқа дейінгі тергеп-тексеру жүргізіліп жатқаны атап өтілді. Қазіргі уақытта күдіктінің қатысуымен қажетті тергеу әрекеттері жүргізілуде.