Жамбыл облысының әкімі Сапарбаев қанша жалақы алады?

Орталық коммуникациялар қызметінде өткен брифингте Жамбыл облысының әкімі Бердібек Сапарбаев жалақысына қатысты сауалға жауап берді.

– Тағы да қайталап айтқым келеді, мемлекеттік қызметкерлердің еңбекақысы үкімет қаулысы негізінде еңбек өтіліне байланысты белгіленеді, мен де әріптестерім алатын жалақыны аламын, - деді Сапарбаев.

Бұған дейін Түркістан облысы әкімінің орынбасары Өмірзақ Шөкеевтің жалақысы 1 миллион 900 мың теңге екенін айтқан болатын.

Кейін Қызылорда облысының әкімі Гүлшара Әбдіқалықова 1,8 миллион теңге жалақы алатынын айтты.