Байзақ ауданындағы қайғылы оқиға осыдан тура екі жыл бұрын, 2021 жылдың 26 тамызында болған. Кеше Тараз қаласында және Базарбай ауылында марқұмдарға арналған ескерткіштер ашылды.
Әскери бөлімдегі оқ-дәрі қоймаларындағы жарылыстар 2021 жылдың 26 тамызында болды. Алдымен ол жерде өрт басталды, содан кейін снарядтар жарыла бастады. 100-ге жуық адам жарақат алды. Отбасылар 18 ер азаматынан, өз ісінің кәсіби мамандарынан, тамаша ұлдарынан, жарларынан, әкелерінен айырылды. Жауынгерлер мен өрт сөндірушілер бейбіт күнде осы оқиға салдарынан қаза тапты.
«Олар өз борышын соңына дейін абыроймен атқарып, хас батыр ретінде қаза тапты», - дейді олардың туыстары.
Бауыржан Момышұлы атындағы Жеңіс саябағында Мейіржан Аймановтың бюст ескерткіші ашылды. Сондай-ақ, Аймановтың құрметіне 15-шағын ауданда қабырға суреті салынса, Таразда оның есімін мектеп пен көшеге беру жоспарлануда. Сол сұрапыл күні Байзақ ауданына өрт сөндірушілер жіберіліп, өртті сөндіру және адамдарды эвакуациялау жұмыстарын қадағалады. Бірінші жарылыстан кейін ол бірнеше әріптесін өрттен алып шықты. Бірақ ол екінші жарылыста қаза тапты.
Өртті сөндіруге Бауыржан Дәуітбаев та атсалысты. Ол ұзақ уақыт із-түзсіз жоғалғандар тізімінде болған. Оның сүйегі төрт айдан кейін ғана табылды. Өзі шыққан Базарбай ауылында әкесі Талғат Дәуітбаевтың бастамасымен аллея ашылып, ескерткіші орнатылды. Аллеяны ашуға 12 миллион теңге қажет болып, ақшаны отбасы мүшелері жинаған.
Облыстың өрт сөндірушілері де оқ-дәрілер орналасқан әскери бөлім қоймасын сөндіру кезінде қаза тапқан әріптестерін еске алды.
Тергеу қайғылы оқиғаға кінәлілерді анықтап қойған. Іс сотқа өтіп, әлі аяқталмай жатыр. Іс 800-ден астам томнан тұратыны, сот залында 300-ге жуық жәбірленуші мен куәгер тыңдалғаны белгілі.
