Жамбыл облысында жүк пойызы рельстен шығып кетті

24 сәуір күні таңғы сағат 05:00 шамасында Жамбыл облысындағы Түрксіб бекетінде жүк пойызының алғашқы үш вагоны рельстен шығып кетті, деп хабарлайды Orda.kz.

Бұл пойыз вокзалдың солтүстік бағытына қарай бет алған еді. Біздің редакциямызға оқырмандарымыз осы пойыздың бейнежазбасын жіберді.

Салдарын жою үшін апат орнына Тараз және Шу бекеттерінен қалпына келтіру пойыздары жөнелтілді. Оқиғаның себептері анықталып жатыр.

Еске сала кетейік, 20 сәуірге қараған түні пойыз вагонының дәретханасында бір әйел босанып, сәбиді терезеден лақтырып жібергені жайлы ақпарат тараған болатын. Әйел шамамен 30 жаста, Қазалы бекетінен пойызға мінген. Кейін оның психиатриялық диспансерде тіркеуде тұрғаны белгілі болды.