Жамбыл облысында зауыт қызметкерлері 600 қап алтын ұрлады

Жамбыл облысында алтын ұрлаумен айналысқан қылмыстық топ құрықталды.

Бұл туралы ІІМ хабарлайды.

Ішкі істер министрлігі құрамында алтыны бар материалдарды өңдейтін заңсыз 19 цехты жойып, ондаған тонна кен тәркілеген.

Шілде айында Мойынқұм ауданында 11 заңсыз ұсақтау цехы анықталып, 17 кенші ұсталды. Арнайы техника, алтын, ақша, қару-жарақ пен оқ-дәрі тәркіленді.

Сондай-ақ «Ақбақай» зауытының бұрынғы жұмысшыларының 600 қаптан астам шикізат ұрлау фактісі де анықталды. Барлық ұсталғандардың басқа қылмыстарға қатыстылығы тексерілуде.