Жамбыл облысында заңсыз мигранттарға көмектескен төрт қазақстандық сотталды

Жамбыл облысының Қордай ауданында прокуратура заңсыз көші-қонды тоқтату үшін ведомствоаралық жедел-тергеу тобын құрды, деп хабарлайды Orda.kz порталы.

2023 жылдың соңында прокуратура төрт қазақстандықтың заңсыз әрекет ұйымдастырғанын анықтады. Олар Пәкістан, Бангладеш, Ауғанстан және Қырғызстанның жиырма азаматына елге заңсыз кіруге көмектескен.

Істі қарау қорытындысы бойынша Қордай аудандық соты 24 адамды түрлі мерзімге бас бостандығынан айыру жазасына кесті. Оңтүстік Азия елдерінің 20 азаматы жазасын өтеп болған соң елден шығарылады.

Үкімдер заңды күшіне енді.

«Биылғы жылдың 12 мамырында прокуратураның келісімімен заңсыз көші-қонның тағы екі ұйымдастырушысы ұсталды. Олар мемлекеттік шекара бекеттерін айналып өтіп, Қырғыз Республикасынан непалдың он азаматын қайта кіргізген» деп хабарлады аудан прокуратурасы. 

Қазір бұл іс бойынша тергеу амалдары жүргізілуде. Қалған мәліметтер тергеу мүддесі үшін жарияланбайды.