Жамбыл облысындағы жарылыстан зардап шеккен балалар жоқ

Алдын ала мәліметтер бойынша, Жамбыл облысындағы жарылыстан зардап шеккендер арасында балалар жоқ.

Бұл туралы Orda.kz хабарлады.

ҚР Білім және ғылым министрлігінің хабарлауынша, басқа ақпарат қосымша хабарланады.

– Жергілікті атқарушы орган қызметкерлері жақын орналасқан елді мекендерден Тараз қаласына, сондай-ақ Байзақ ауданының Сарыкемер мен Кеңес ауылдарына 83 баланы эвакуациялады, - деп хабарлады министрлік.

ҚР Білім және ғылым министрі Асхат Аймағамбетовтың тапсырмасы бойынша Балалардың құқықтарын қорғау комитетінің төрағасы Есенғазы Иманғалиев түнде оқиға орнына ұшып кетті.

ҚР Білім және ғылым министрлігінің білім сапасын бақылаудың аумақтық департаментінің өкілдері де оқиға орнында жұмыс істейді.

Эвакуацияланған балаларға қажетті жағдайлар жасалған, олар ыстық тамақпен және дәрі-дәрмекпен қамтамасыз етілген. Ұйықтайтын орындар карантин талаптарын ескере отырып жабдықталған.

– ҚР Білім және ғылым министрлігі эвакуацияланған балаларды қолдау үшін ата-аналарына балаларын білім алуға және өмір сүруге жағдай жасалған «Балдәурен» республикалық білім беру-сауықтыру орталығына жіберуді ұсынды. Бұл тәжірибе бұрын болған төтенше жағдайлар кезінде қолданылған, - деп хабарлады ҚР Білім және ғылым министрлігінің баспасөз қызметі.

Балаларға жедел көмек көрсетуді ұйымдастыру үшін ҚР Білім және ғылым министрлігі шұғыл түрде тәулік бойы жұмыс істейтін сенім телефондарының жұмысын ұйымдастырды:

• «Bala gorqau» телеграм-чат
• 87025642168
• 87012100238
• 87172742528

Еске салсақ, 26 тамызда Жамбыл облысы, Байзақ ауданында орналасқан әскери бөлімдегі қоймалардың бірінен өрт шықты. Қорғаныс министрлігі 10-ға жуық жарылыс болғанын хабарлады.