Жамбыл облысындағы жарылыс: арнайы комиссия құрылды

Мемлекет басшысы Қасым-Жомарт Тоқаев шұғыл кеңес өткізуді және Жамбыл облысында жарылыстар бойынша ведомствоаралық комиссия құруды тапсырды.

Бұл туралы Orda.kz хабарлады.

Ведомствоаралық комиссияны вице-премьер Роман Скляр басқаратын болады.

– Қаза тапқан азаматтардың отбасыларын қорғау және зардап шеккен тұрғындарға көмек көрсету үшін барлық қажетті шаралар қабылданады.

Роман Васильевич, мен сізге осы кездесу аяқталғаннан кейін бірден Жамбыл облысына баруды тапсырамын. Барлық шараларды ұйымдастырыңыз, - деді мемлекет басшысы.

Еске салсақ, 26 тамызда Жамбыл облысы, Байзақ ауданында орналасқан әскери бөлімдегі қоймалардың бірінің жанында өрт шықты. Соңғы мәлімет бойынша, 9 адам көз жұмған.