Жамбыл облысында төрт мемлекеттік автокөлік заңсыз сатылды

Жамбыл облысында мемлекеттік кәсіпорын балансынан 22 миллион теңгенің төрт көлігі заңсыз шығарылған. Көліктердің тиісті аукцион өткізілмей үшінші тұлғаларға сатылғаны белгілі болды, деп хабарлайды Orda.kz облыстық прокуратураға сілтеме жасап.

Анықталғандай, компания басшылығы көліктерде жоқ ақауларды көрсеткен жалған құжаттар арқылы көліктерді есептен шығарған.

«Аталған факт бойынша Талас аудандық прокуратурасы қылмыстық іс қозғады, оны облыстық прокуратураның сотқа дейінгі тергеу басқармасы жүргізіп жатыр. Қазіргі уақытта күдіктілердің әрекеті ҚР ҚК 189-бабының 4-бөлігінің 2-тармағы «Ұрлық» және Қылмыстық кодекстің 369-бабының 1-бөлігі «Қызметтік жалғандық» бойынша саралануда»  деп хабарлады прокуратура.

Тергеу барысында жалпы құны 17 миллион теңге болатын үш көлік мемлекетке қайтарылды, тағы бір көлікті қайтару шаралары жүргізілуде.

Қылмыстық іс сотқа жіберілу сатысында.

Бұған дейін күдікті Талдықорғанда екі көпқабатты үйдің құрылысы барысында  250 миллион теңге жымқырған болатын.