Жамбыл облысында шопаннан 40 келі есірткі тәркіленді

Жамбыл облысында шопан өзі тұтыну үшін 40 келі есірткі дайындаған, деп хабарлайды Orda.kz порталы.

Жамбыл облысында жедел уәкілдер шаруа қожалығы аумағынан 40 000 дозадан асатын марихуана тәркіледі. Есірткі заттарын аса ірі мөлшерде сақтады деген күдікпен Павлодар облысының 47 жастағы тұрғыны ұсталды. Ер адам Меркі ауданында малшы болып жұмыс істеген. Күдіктінің айтуынша, ол жабайы қарасораны тауып, оны жинап, кептіріп, өзі тұтыну үшін сақтаған, деп жазылған хабарламада.

Сондай-ақ ол есірткіні шегуге арналған ыдыс та табылған.