Жамбыл облысында ұрылар дәмхана жабдықтарын тонаған

Жамбыл облысында жарылыс болып жатқан кезде, қалың жұрттың дүрбелеңін пайдаланған  ұрылар жол бойында орналасқан дәмхананың жиһаздары мен басқа да заттарын қолды қылған.

Бұл туралы  Orda.kz    хабарлады.       

Аймақтағы дүрбелеңді пайдаланған ұрылар азық-түлік пен бағалы заттарды ұрлаумен айналысқан. Кешен иелері жоғалған заттардың құнын есептеуге кірісті. Олардың айтуынша, ұрлаған жиһаздар мен техниканы қайта орнына қою мүмкін емес. 

— Бұл біздің бизнестің екінші бөлігі еді. Міне, түгі қалмай бұзылыпты. Жарылыс қатты болды. Төбесі құлайын деп тұр, – дейді облыс тұрғыны Жанна Назарбекова. 

Таразға жарылыс салдарынан бас сауғалаған үш ауылдың 600-ден астам тұрғыны көшірілген. 

— Үстіміздегі бар киіммен қаша жөнелдік. Алғашында жер сілкініп жатыр екен деп ойладым. Әскери бөлімде жарылыс болады деген ой үш ұйықтасам, түсіме кірмепті, – дейді Бейсен Жүзгенбаев. 

Бүгінде Жамбыл облысындағы жарылыстан зардап шеккендердің саны 100-ге жуықтағы. Апат кезінде қайтыс болған адамдардың саны арта түсуде.