Жамбыл облысында қар құрсауынан 73 ересек адам мен 37 бала құтқарылды

Жамбыл облысында қар құрсауынан  73 ересек адам мен 37 бала құтқарылды, деп хабарлайды Төтенше жағдайлар министрлігінің баспасөз қызметі.

«3 қаңтарда сағат 10.15-тен бастап Жамбыл облысы, Жуалы ауданы, Шақпақ асуында республикалық маңызы бар «Алматы-Термез-Ташкент» (574-587 шқ) тас жолы учаскесінің жабылуына байланысты жолда қалған  110 адам  құтқарылды. Оның ішінде 37 бала бар» делінген хабарламада.

Жүргізушілер мен жолаушыларға көмек көрсету үшін 10 қызметкер мен үш бірлік ТЖД техникасы жұмылдырылды.

Адамдар жақын маңдағы №29  М.Жұмабаев атындағы  орта мектептің жылыту  пунктіне жеткізілді. Психологиялық көмек көрсетілді. Зардап шеккендер жоқ.