Жамбыл облысында полиция майоры қылмыстың ашылуын «арттыру» үшін есірткі сатты

Жамбыл облысында полиция майоры есірткіні заңсыз сақтағаны және сатқаны үшін 11 жылға бас бостандығынан айырылды, деп хабарлайды Orda.kz.

Жамбыл облысының Қылмыстық істер жөніндегі мамандандырылған ауданаралық соты хабарланғандай, қылмыстық іс бойынша полиция қызметкеріне ҚК 297 бабының 3-бөлігі 3, 4-тармағы «лауазымды адам өзінің қызметтік бабын пайдалана отырып, аса ірі мөлшерде есірткіні заңсыз алу, тасымалдау, сақтау, өткізу» бойынша іс қозғалды.  Үкімді ауырлататын мән-жай ретінде берген антын бұза отырып, қылмыс жасау қарастырылды.

Сотталушы қылмыс жасаған кезде желілік полиция бөлімінің есірткі қылмысына қарсы күрес бөлімінің бастығы қызметін атқарған. Ол бұрын бірнеше рет сотталған Тараз қаласының тұрғынын тауып, сол арқылы есірткі сатқан.

Сотталушы өз кінәсін мойындамады, бірақ ол қылмыстық істің дәлелдемелері мен материалдары арқылы расталды.

Сот қаулысында жас балаларының болуы қылмыстық жауаптылық пен жазаны жеңілдететін мән-жай ретінде қарастырылды.

«Қылмыстық қудалау органының тұжырымдары дәлелденген және негізді деп танылмағандықтан, сот «лауазымды тұлға өзінің қызметтік бабын пайдалана отырып, есірткі затын заңсыз сату, тасымалдау» айыбы алынып тасталды. Сот үкімімен М.-ге Қазақстан Республикасы Қылмыстық кодексінің 297-бабының 3-бөлігінің 3-тармағы бойынша қылмыстық іс қозғалып,  «полиция майоры» арнаулы атағынан айыра отырып, 11 жыл мерзімге бас бостандығынан айыру жазасы тағайындалды.

Үкім заңды күшіне енген жоқ.