Жамбыл облысында келінін қорлаған ер адам 10 күнге қамалды

Жамбыл облысында ұлының жұбайын қорлаған ер адам 10 тәулікке әкімшілік қамауға алынды, деп хабарлайды Orda.kz.

Сарысу аудандық сотының мәліметінше, оқиға маусым айында болған. Ер адам мас кезінде келініне қатысты дөрекі әрекет көрсетіп, жанжал шығарған.

«Ол келінін дөрекі сөздермен қорлап, жанұя ішіндегі тыныштықты бұзды», деп мәлімдеді Сарысу аудандық сотының баспасөз қызметі.

Сот отырысы барысында ер адам кінәсін мойындап, келінінен кешірім сұрады. Жәбірленуші қайын атасын кешіретінін айтты.

Айта кетейік, Қызылордада келін өзін қорлаған енесін сот арқылы жеңіп шықты.