Жамбыл облысында электронды темекіге бола адам өлтірген жасөспірім сотталды

Жамбыл облысында кәмелетке толмаған жасөспірім бұзақылық ниетпен адам өлтіргені үшін кінәлі деп танылып, 9 жылға бас бостандығынан айырылды, деп хабарлайды Orda.kz. 

Бұл туралы Жамбыл облыстық сотының баспасөз қызметі мәлімдеді.

Іс материалдарына сәйкес, осы жылдың қыркүйегінде жасөспірім мен жәбірленуші арасында электронды темекіге бола жанжал туындаған. Сол сәтте айыпталушы марқұм жігітке пышақ жарақатын салған. 

Сот айыпталушының кәмелетке толмағанын жеңілдететін мән-жай ретінде қарастырды. Сондай-ақ, айыпталушының заңды өкілінен моральдық зиян үшін 8 миллион теңге өндірілді.

Айта кетейік, 6 желтоқсанда Астанада жасөспірім көпқабатты үйдің кіреберісінде тұрған балалар арбасын өртеп жіберді. Өрттің тез таралуы салдарынан 11 жастағы бала көміртегі тотығына уланып, қайтыс болды.