Жамбыл облысында ірі көлемдегі жымқыру күдігімен аурухананың бас дәрігері ұсталды

Жамбыл облысында Меркі аудандық ауруханасының бас дәрігері Мейрамбек Дәрменов ұсталды. Қазір ол Тараз қаласындағы тергеу изоляторында отыр, деп хабарлайды Orda.kz.

Тергеу мәліметінше, ол ҚР ҚК-нің 189-бабының 4-бөлігі («Сеніп тапсырылған бөтен мүлікті иемдену немесе ысырап ету») бойынша қылмыс жасады деген күдікке ілінген. Алдын ала нұсқаға сәйкес, медициналық мекемеде миллиондаған қарыз анықталған. Тергеу нұсқасы бойынша, бұл қарыз 2023 жылы бюджет қаражатының артық аударылуы салдарынан пайда болған.

Жалпы сома 32 млн теңгеден асады, оның шамамен 22 млн теңгесі, тергеу нұсқасына сәйкес, бас дәрігердің шоттарына аударылған. Қазіргі уақытта істің мән-жайы анықталып жатыр.

Егер кінәсі дәлелденсе, күдіктіге мүлкі тәркіленіп, белгілі бір лауазымдарды өмір бойы атқару құқығынан айырылып, 12 жылға дейін бас бостандығынан айыру жазасы тағайындалуы мүмкін.

Оқи отырыңыз:

• Трамп Тоқаевты Майамиге шақырды
• Шенеунік қамауға алынғанын жасыру үшін аурухана анықтамасын пайдалануға тырысқан