Жамбыл облысында 9 сынып түлектері шаңырақ көтерді

Жамбыл облысы Сарысу ауданының 15 жастағы мектеп жасындағы жасөспірімдер отбасын құрды. Кеше ғана олардың беташары болған.

Білім саласына жауаптылардан төмендегідей ақпарат алдық:

«Саудакент ауылындағы Б. Адамбаев атындағы мектептің 9 сыныбын бітірген қыз бен бала үйленді , комиссия құрылды , толық ақпарат беріледі. Комиссия қорытындысы балалар мен жасөспірімдердің құқықтарын қорғау комиссия отырысына ата аналарын шара қабылдау үшін жіберілетін болады» деді олар Orda.kz тілшісіне.

Жасөспірімдер аналарының келісіммен үйленгендігі айтылды. Ұл толық отбасынан шыққан. Ал қыз оқу жылының үшінші тоқсанында Алматы қаласынан ауысып келген.

Авторы: Исламбек Дастан, Жамбыл облысы