Жамбыл облысында 9-сынып оқушысы 14 жастағы қатарласынан жүкті болып қалды

Жамбыл облысында 9-сынып оқушысы құрдасынан жүкті болып қалды, деп хабарлайды Orda.kz. 

Байзақ ауданының Бурыл ауылында 14 жастағы оқушы қыздың жүктілігін алғаш анасы байқапты. Ол дереу қызын УДЗ-ге апарады. Сол жерде жүктілік расталған. Ал құрсақтағы сәбидің әкесі 14 жастағы жасөспірім болып шықты.

Мектепке жасөспірімдердің ата-аналары шақырылып, түсіндірме жұмыстары жүргізілді. Қазір қыз бен оның сүйіктісімен мектеп психологтары жұмыс жасап жатыр.

Жамбыл облысы полиция департаментінің баспасөз қызметі бұл факт бойынша ҚР ҚК 122 — бабының 1-бөлігімен («он алты жасқа толмаған адаммен жыныстық қатынас немесе жыныстық сипаттағы өзге де әрекеттер») сотқа дейінгі тергеу басталғанын хабарлады.

Айта кетейік, Жамбыл облысында өгей ұлын азаптаған ер адам шартты жазамен босап шықты.