Жамбыл облысында 16 жастағы студенттің мүрдесі табылды

Байзақ ауданының Сарыкемер ауылында қайғылы жағдай болды. Дереккөздердің мәліметінше, колледждің 16 жастағы студенті өзіне-өзі қол жұмсаған, деп хабарлайды Orda.kz. 

Болжам бойынша, жасөспірім өзіне қол жұмсамас бұрын әкесінің көлігіне зақым келтірген. Оқиғаның мән-жайын құқық қорғау органдары анықтап жатыр.

Көршілері мен таныстарының айтуынша, жасөспірім өскен отбасы тұрмысы жақсы жанұя болған: ата-анасы жұмыс істейді, үлкен балалары — студент, ал кенже қыз мектепте оқиды.

Бұған дейін өңірде кәмелетке толмағандар арасында өз-өзіне қол жұмсау және құқық бұзушылық жағдайлары жиілегеннен кейін, Жамбыл облысына Оқу-ағарту министрі Жұлдыз Сүлейменова, бала құқықтары жөніндегі уәкіл Динара Зәкиева, Мәжіліс депутаттары мен республикалық комиссия мүшелері келген еді.

Айта кетейік, Астанада 80 жастағы әйелді зорлап, өлтірген ер адам 9 жылдан кейін ұсталды.