Жамбыл облысында 10 млрд теңгенің газын ұрлаған күдіктілер ұсталды

Жамбыл облысының полицейлері мемлекетаралық іздеуде жүрген шетелдік қылмыскерлерді ұстады.

Бұл туралы ішкі істер министрлігі хабарлайды.

«3 сәуірде Жамбыл облысы ІІД Қылмыстық іздестіру басқармасының қызметкерлері Рысқұлов ауданында жедел іздестіру шараларын жүргізу барысында мемлекетаралық іздеуде жүрген қылмыскерлерді ұстады» делінген хабарламада.

Өзбекстанның екі азаматы Самарқанд облысында аса ірі көлемде 288 миллиард сумнан (10 миллиард теңге) астам табиғи газды жасырын ұрлады деген күдікке ілінгені атап өтілді.

Ер адамдар уақытша ұстау изоляторына қамалды.