Жамбыл облысынан Алматыға есірткі жеткізіп жүрген қылмыстық топ ұсталды

Полицейлер Жамбыл облысы Шу ауданынан Алматыға есірткіні тұрақты түрде жеткізіп жүрген қылмыстық топты ұстады.

Жедел-тергеу топтары арнайы мақсаттағы бөлініс жауынгерлерімен бірлесіп, құрықтау операциясын бір уақытта Алматыда мен Алматы облысында іске асырды.

Ұйымдастырушы және марихуана мен гашишті заңсыз өткізуге қатысы бар 11 адам анықталды. Олардың қатарында сатушы мен сатып алушылар, тасымалдаушылар, үй-жайларды жалға алушылар мен өлшеп ораушылар бар. 

"Тінту барысында целлофан пакеттерге салынған 40 келі марихуана мен 15 келі гашиш және күдіктілердің қылмыстық бизнеске қатысы бар екенін растайтын ұялы телефондар табылып, тәркіленді. Күдіктілер ұсталып, уақытша ұстау изоляторына қамалды. Тиісті сараптамалар тағайындалып, тергеу амалдары жалғасып жатыр", - деді департамент бастығы – ІІМ ресми өкілі Шыңғыс Әлекешев.