Жамбыл облысы әкімінің орынбасары қайтыс болды

Жамбыл облысы әкімінің орынбасары Ұлан Жазылбек 58 жасында қайтыс болды. Ақпаратты өңір әкімдігінің баспасөз қызметі растады.

Бұл туралы Orda.kz хабарлайды.

Әкім орынбасары біраз уақыт ауруханада жатқан.

Баспасөз қызметінің айтуынша, Ұлан Жазылбек тыныс алу жетіспеушілігінен қайтыс болған.

Еңбек жолы:

• 2005-2008 жылдары-Алматы қаласы сәулет-құрылыс бақылау бөлімінің бас маманы, бастығы болып жұмыс істеді.
• 2009-2011 жылдары-Алматы қ. «Қорғас» ШЫХО»  АҚ инвестициялық жобалар мониторингін бағалау департаментінің және күрделі құрылыс департаментінің директоры қызметін атқарды.
• 2011-2013 жылдары-Алматы қаласы бойынша сәулет-құрылыс бақылау және лицензиялау департаменті директорының орынбасары болды.
• 2013-2014 жылдары — ҚР Өңірлік даму министрлігінің Құрылыс және ТКШ комитеті төрағасының орынбасары қызметін атқарды.
• 2014-2017 жылдары-ҚР Ұлттық экономика министрлігінің Экономика инфрақұрылымын дамыту департаментінің директоры, сондай-ақ Өңірлік даму департаментінің директоры болды.

• 2017 жылғы 10 шілдеден бастап - құрылыс саласын және тұрғын үй-коммуналдық шаруашылықты дамыту департаментінің директоры
• 2017 жылғы 15 қарашадан бастап - Павлодар облысы әкімінің орынбасары
• 2020 жылдың 21 мамырынан бастап Жамбыл облысы әкімінің орынбасары