Жамбыл: Қардың құрсауындағы 51 адам құтқарылды

Жамбылда Жуалы ауданындағы Алматы-Термез-Ташкент жолында 51 адам қар құрсауында қалған. Бұл туралы Төтенше жағдайлар департаменті Instagram әлеуметтік желісінде жазды.

ТЖД хабарламасында:

«2020 жылғы 28 қарашада сағат 13:25-те Жамбыл облысы, Жуалы ауданында республикалық маңызы бар Алматы-Термез-Ташкент (576-593 км) автожолының учаскесінде Төтенше жағдайлар департаментінің 5 қызметкері мен екі техникасының күшімен қар құрсауында қалған 21 автокөліктен 51 адам (оның ішінде 12 бала) құтқарылды, 3 адам (оның ішінде 2 бала) эвакуацияланды. Автожолдардың тазартылған учаскелеріне 21 жеңіл автокөлік сүйрелді».