Жалпыұлттық социал-демократиялық партиясы президенттікке өз кандидатурасын ұсынды

Бұл лауазымға партияның астаналық кеңсесінің қазіргі басшысы Нұрлан Әуесбаев таласады.

Партияның кезектен тыс XIX съезі өтіп, онда партияның саяси өмірін жүргізудің одан арғы  әдістері  айқындалып, Қазақстан президенттігіне кандидат ұсынылды.

— Бүгінде Қазақстан күрделі өзгерістердің алдында тұр. Соңғы екі жылда біраз бастамаларға түрткі болған толқулардың куәсі болдық. Оның көбі біздің бағдарламаларымыздың көрінісі: конституциялық сот, әкімдер сайлауы, партия мүшелігі және тағы басқалар. Билік пен азаматтар арасында жаңа қарым-қатынастардың пайда болуына барлығы да мүдделі. Қазақстанда алаңдатарлық оқиғалар орын алып жатқан жағдайда мықты сайланған үкімет аса қажет, - деді партия жетекшісі.

Жалпы дауыс беру нәтижесінде Жалпыұлттық социал-демократиялық партия президенттікке өзінің кандидаты Нұрлан Әуесбаевты ұсынды.

Нұрлан Әуесбаев, аталмыш партияның елордалық филиалының басшысы, ол 1957 жылы туған, Түркістан облысының тумасы, Астана қаласының тұрғыны. Білімі жоғары, М.Әуезов атындағы Оңтүстік Қазақстан мемлекеттік университетін бітірген, ұзақ уақыт жергілікті атқарушы органдарда жауапты қызметтер атқарған.