«Жалпы құны 150 млн теңге»: Пайдаланылмайтын жер учаскелерi мемлекетке қайтарылды

Ерейментау ауданында пайдаланылмайтын жер учаскелері мемлекетке қайтарылды, деп хабарлайды Orda.kz.

2024 жылдың қыркүйек айындағы Мемлекет басшысының Қазақстан халқына жолдауында пайдаланылмай жатқан ауыл шаруашылығы жерлерін кейіннен адал пайдаланушыларға беру үшін мемлекет меншігіне қайтару тапсырылған еді. 

Ерейментау ауданының прокуратурасы жалпы кадастрлық құны 150 млн теңге болатын, жалпы ауданы 15 мың гектар 3 жылдан астам мақсаты бойынша пайдаланылмаған 6 жер телімін мемлекетке қайтарды.

Сондай-ақ, аудан прокуратурасының бастамасымен жалпы кадастрлық құны 408 млн теңге болатын ауданы 59,2 мың гектар 8 жер телімін алып қою бойынша азаматтық істер сотта қаралып жатқанын мәлімдеді.