Жалғызбасты әйелдер «бір сағаттық әке» қызметін қолданып жүр

Қазақстандағы ұл тәрбиелеп отырған жалғызбасты әйелдер «бір сағаттық әке» қызметін қолданып жүр. Ол балаға әке тәрбиесін беру үшін керек.

Бұл туралы Orda.kz Еуразия бірінші арнасына сілтеме жасап хабарлады.

Қазіргі таңда некеден тыс баланың дүниеге келуі қалыпты жағдай. 2020 жылы 48 002 жұп ажырасқан. Осылайша жалғызбасты аналардың саны 600 мыңға жеткен.

– Соңғы 2019 жылғы жүргізілген зерттеу жұмыстарына сәйкес, 540 мың жалғызбасты ана тікркелген, сондай-ақ 68 000 балаларын тәрбиелеп отырған жалғызбасты әке бар. Бұл тенденция, яғни,  моно-отбасылар көбейіп жатыр дегенді білдіреді. Дәл осы типтегі отбасыларға мемлекет тарапынан психологиялық тұрғыдан  ешқандай қолдау жоқ. Ал анасыз қалған балаларды жалғыз тәрбиелеп отырған ер азаматтар жайлы айтудың өзі қиын, - деді әлеуметтанушы Татьяна Резвушкина. 

Сондай-ақ, Алматы облысы, Қарағанды облысы, Шығыс Қазақстан өңірлерінде де шаңырақтар жиі шайқалады.