Жалған вакцина паспортының кесірінен мұнай өндірісі тоқтатылды

Жалған вакцина паспортының кесірінен елдегі ірі мұнай кешені өз жұмысын тоқтатуға мәжбүр болды.

Бұл туралы Orda.kz Айдын Рахымбаевтың Facebook парақшасына сілтеме жасап хабарлайды.

Кәсіпкердің айтуынша, компаниясы мердігер болған елдегі ірі мұнай кешендерінің бірі жұмысын тоқтатты. Себебі, төрт адам келгенен кейін коронавируспен ауырып, жалған вакцина паспортын сатып алғаны туралы белгілі болды. Олар тағы 14 адамға вирус жұқтырған. Дәл осы жұмысшыларда да жалған екпе паспорты болғаны анықталды.

Сонымен қатар, кәсіпкер жалған вакцина паспортын сататын және сатып алатын адамдарды жауапкершілікке тартуды ұсынды.

«Ұят болды... Бір-бірімізден де, шетелдік әріптестерден де ұят.. Қазіргі қиын кезеңде әркім әрқалай әлемге танымал болып жатқанда, біз жасанды паспортпен әйгіліміз, бәрекелді!..», - делінген Рахымбаевтың Facebook парақшасында.