Жалған шот-фактура жазған кәсіпорын басшылары айыпталды

Қаржы мониторингі агенттігінің Нұр-Сұлтан қаласы бойынша экономикалық тергеу департаменті жалған шот-фактура жазу фактісі бойынша бірқатар кәсіпорын басшыларына қатысты қылмыстық істі тергеуде, деп хабарлайды ORDA ведомствоның баспасөз қызметіне сілтеме жасап.

Бюджетке 220 млн теңгеден астам салық сомасы төленуі тиіс болған. Жедел іздестіру барысында Х. есімді азаматтың басшылығымен бір топ адам жалған шот-фактура жазып беретіні, сондай-ақ ЖШС-ның бірнеше заңды тұлғаларынан қаражатты қолма-қол ақшаға айналдыратыны анықталды.

Қылмыс үстінде қолға түскен Х. есімді азаматқа ҚК 216-бабы 3-тармағы бойынша сотқа дейінгі тергеу басталды.

Сотқа дейінгі тергеп-тексеру деректерi тергеу мүддесіне сәйкес жария етілмейді.