Жалған дипломмен жүрген мұғалімдерге байланысты қылмыстық іс қозғалды

Ақмола облысында колледж басшысы жалған дипломы бар екі оқытушыны анықтады, деп хабарлады ORDA.

Бұл туралы білім беру мекемесінің басшылығы 10 наурызда полицияға хабарлаған. Аймақтағы бір ауылдың екі тұрғыны білім бөліміне жалған жоғары білім туралы диплом тапсырған болып шықты.

Басшылықтың айтуынша, олар мұны колледжге мұғалім болып орналасу үшін жасаған. Белгілі болғандай, әйелдердің бірі 48 жаста, екіншісі 49-да.

— Мұғалімдерге қатысты 385-баптың үшінші бөлігі бойынша «Жалған құжаттарды, мөртабандарды, мөрлерді, фирмалық бланкілерді, мемлекеттік пошта маркаларын, мемлекеттік наградаларды қолдан жасау, сату» бойынша қылмыстық іс қозғалды, деп хабарлады Ақмола облысы полиция департаментінің баспасөз қызметі.

Олар өздерінің кінәларын мойындады. Әйелдер 2018 жылдан бері жалған құжаттармен жұмыс істеген.

Жалған құжаттары бар қызметкерлердің білім беру ұйымдарында жұмыс істеуі бірінші рет тіркеліп тұрған жоқ. Осылайша, Ақмола облысы мектептерінде жалған дипломмен 12 мұғалім сабақ берген.