Жалған ақпарат: қазақстандықтардың несиесі кешіріледі

Желіде қазақстандықтардың қарызы кешіріледі деген ақпарат тарады. Оны Мемлекет басшысының баспасөз хатшысы Берік Уәли жоққа шығарды.

Бұл туралы Orda.kz хабарлады.

– Әлеуметтік желілерде Мемлекет басшысы Қазақстан азаматтарының несиелері мен қарыздарын кешіру туралы жарлыққа қол қойғаны туралы ақпарат тарап жатыр. Мен бұл жалған ақпарат екенін мәлімдеймін, - деді Берік Уәли.

Оның айтуынша, 2019 жылы Қасым-Жомарт Тоқаев басшылығымен кепілдендірілмеген тұтынушылық несиелер бойынша қарызды өтеу түрінде әлеуметтік көмек көрсетілген. Бірақ ол бір реттік сипатта болған, яғни болашақта қайталанбайды.

– Қазақстандықтардан түрлі фейкке сенбей, тек ресми хабарламаларға жүгінуді сұраймыз, - деді Берік Уәли.