Жайықтағы су деңгейі «қауіпті межеден» асты

Жайықтағы су деңгейі қауіпті межеден асты, деп хабарлайды Orda.kz порталы.

Ресейдің Орынбор облысындағы Жайық өзенінің деңгейі 931 сантиметрге көтерілді. Бұл туралы облыс губернаторы Денис Паслер хабарлады. 

Ол жергілікті тұрғындарды су басқан аудандардан кетуге шақырды.

Айта кетейік, Ресейде Орынбордың бірнеше ауданын су басты. Ол жақта 10 мыңнан астам үй суда қалып, 1000-ға жуық адам эвакуацияланды. Ресейдің 37 өңірі көктемгі су тасқынымен күресіп жатыр. Орынбор облысынан бөлек, Самара, Түмен, Қорған облыстары және Алтай өңірінде жағдай күрделі.