Жайық өзені жағасынан жоғалған ер адамның денесі табылды

Батыс Қазақстан облысында із-түзсіз жоғалған ер адамның денесі өзен жағасынан табылды. Тергеуді Орал аймақтық полиция бөлімі жүргізіп жатыр.

Облыстық полиция департаментінің баспасөз қызметі хабарлағандай, 4 қараша күні сағат 15:10-да Жайық өзенінің жағасынан Январцево ауылының 56 жастағы тұрғынының мәйіті табылды. Бұған дейін ер адам із-түзсіз жоғалғандар тізімінде болған. Тергеуді Орал аймақтық полиция бөлімі жүргізіп жатыр.

Естеріңізге сала кетейік, қазан айының соңында Петропавлда жоғалып кеткен ер адамның денесі табылған болатын. 43 жастағы қала тұрғыны шілде айының соңында жоғалып кеткен, оның сүйегі қаладан 10 шақырым жерден табылды. Марқұмның үйден шығып кетіп, оралмағаны туралы арыз қалалық ішкі істер басқармасы бірінші бөліміне шілденің 31-і күні түскен. Полицейлер, жергілікті тұрғындар мен еріктілер жоғалған азаматты ұзақ іздегенімен, нәтиже болмады.