Жәнібек Әлімханұлы WBO-ның толыққанды әлем чемпионы атанды

Орта салмақта өнер көрсететін қазақстандық боксшы Жәнібек Әлімханұлы WBO (Дүниежүзілік бокс ұйымы) нұсқасы бойынша ресми түрде әлем чемпионы атанды.

Деметриус Андраде орта салмақтағы WBO титулынан бас тартып, белбеуге үміткер Әлімханұлымен жекпе-жектен бас тартты. Осылайша, WBO қазақстандық боксшыны титулдың иегері деп жариялады.

– Жәнібек Әлімханұлы орта салмақтағы уақытша чемпионнан толық құқықты чемпион мәртебесіне ауысты, – делінген WBO хабарламасында.

Жәнібек Әлімханұлы бұл жеңісіне қатысты пікір білдіріп, қазақ халқынан сүйінше сұрады.

– Мен әлем чемпионымын! Мен WBO нұсқасы бойынша әлем чемпионы атанған алғашқы қазақпын. Бұл тарих! Өте қуаныштымын, Аллаға шүкір, – деп жазды боксшы Instagram парақшасында.