Түркістанда ауыл тұрғындары ауызсусыз отыр

Түркістан облысындағы Жаңа Тұрмыс ауылының тұрғындары ауыз судың жоқтығына шағымданды.

Бұл туралы Orda.kz Otyrar.kz-ке сілтеме жасап хабарлады.

Ауыл тұрғындары каналдан су ішуге мәжбүр. Олар канал суын мал мен бақшаларды суаруға пайдаланып жүр.

Жергілікті билік бұл ауылға су құбырын тартуға бірнеше рет уәде бергенімен, мәселе шешілмеген.

– Ауылдың бәрі осы суды ішеді. Біз мүмкіндігінше айтып, шағымданып жатырмыз. Бірақ бізге тек уәде беріледі. Әне береміз, міне береміз деп жатыр. Құбырлар келді, бірақ судың қашан болатыны белгісіз, - деді ауыл тұрғыны Нуриддин Жемходжаев.

Сарыағаш облысының әкімдігі тұрғындар асыра сілтеп жатыр деп сендірді. Жауапты органдар елді мекенге су цистерналар арқылы жеткізілетіндігін айтты.

– Олар каналдан су ішпейді, мен көрші ауылда тұрамын және сізге қандай ақпарат бергенін түсіне алмаймын. Құдықтан су ішіп, су сатып алады, - деп түсіндірді Сарыағаш қалалық тұрғын үй-коммуналдық шаруашылық бөлімінің бастығы Полатов Құдайберген.

Аудан әкімінің орынбасары Бақытжан Полатов ауылға жыл соңына дейін су құбыры тартылатынын атап өтті.

– 2021 жылы немесе 2022 жылы жұмыс аяқталуы керек. Бірақ мердігер жұмысты осы жылдың соңына дейін аяқтауға тырысамын деп уәде берді. Бұл арада біз адамдарды әкелінген сумен қамтамасыз етеміз. Суды тасып беріп отырмыз, - деді әкімнің орынбасары.

Ауыл тұрғындары үкіметке ұжымдық хат жазуға ниетті.