Жаһандық өзгеріс: Гренландияда температура рекорды тіркелді

Гренландияның солтүстігінде нормадан тыс жоғары ауа температурасы байқалды. Сарапшылар Гренландиядағы бұл ауа-райы қалыпты емес екенін атап өтті.

Дания метеорологиялық институтының (DMI) мәліметтері бойынша, Канакеде температура рекорды тіркелді. Онда күндіз ауа температурасы 8,3 градусқа дейін көтерілді.

Гренландияның астанасы Нуук қаласында 20 желтоқсан күні температура 13 ° C-қа жетті, бұл жылдың осы уақытындағы орташа көрсеткіш -5,3 ° C.

– Жоғары температураның болу себептерінің бірі – метеорологиялық құбылыс. Температураның соншалықты кең аумақта ұзақ уақыт бойы сақталуы әдеттен тыс жағдай. Жаһандық жылыну біз қазір көріп отырған жоғары температурамен сәйкес келеді, - деді DMI климатологы Кэролайн Дрост Йенсен.